Thursday, August 29, 2013

නුඹ නැති දා.....



I Miss U….

පළමු වන දිග හැරුම...

උදේ ඉදන් චුරු චුරු ගගා දවසම වැස්ස වහින්න ගත්ත හින්දා එළියට බහිනවා තියා හිතන්නවත් බෑ... වැස්සත් එක්ක අම්බානකට ඔරොප්පුවෙන් මම කාමරේටම රිංගගෙනම හිටියා.... ඒත් ඉතිං මම තරහා ගත්තා කියලා ඌ වැස්ස වහින එක නවත්වන එකක් යැ.... හිත පුරාම පාළුවයි තනිකමයි එක්කම හිතට නුහුරු කාන්සියක් හිත වටේම දැවටෙද්දි මම ඇදේ දිගා වුනේ බෙඩ් ෂිට් එක ඔලුවේ ඉදන් පොරෝගන... හිතට ආපු එක පාරටම ආපු ආතල් එකට අක්කා හදලා දිපු පුළුන් ලොකු කොට්ටේ මගේ මුණ උඩින් තියාගත්තා.....

ඒත් විනාඩි පහක් දහයක් එහෙම ඉද්දි මට ඒකත් ඇති වුනා... මම නැගිටලා එරමිණියා ගොතා ගෙන ඇද උඩ ඉදගත්තේ “ෂර්ලොක් හොල්ම්ස්ගේ හරිම භයානක මිනිහෙක්” කියන පොතත් අරන්.... ඒක පෙරලගෙන මම එක දිගටම ලෝක විනාශ හෙටයි, ආයි මට පොත් කියවන්න වෙන්නේ නෑ වගේ පොත එක හුස්මට කියෙව්වා... දැන් ඉන්න සීනි බෝල නවකතා වගේද මේවා.... ෂා.... පටන් ගත්ත තැන ඉදලා ආතල් එකේ කියනගෙන කියවගෙන යතහැකි.... ත්රාවසය, භිතීය, කුතුහලය අවුස්සන්නේ පටන් ගත්ත තැන ඉදලමයි.... පොතත් ඉවරයි..... කම්මැලි කම කිලෝ එකයි....

ඒක පාරට මට මතක් වුනේ යෞවන අයියා ලියපු දයාබර නෝටි නව කතාව නෝටියා පෙරලපු සුපිරි බාල්දියක්.... ඒක මතක් වුනාම මට තනියම හිනා ගියා.... මෑතකදි කෙල්ලෝ කොල්ලෝ අතර හුගාක් ජනප්රියය උන රයිටර් කෙනෙක් තමයි යෞවන සමීන්ද්රා රත්නායක කියන්නේ.... ඒවගේම සමන් එදිරිමුණි, මෙත්ම හසදුන්, ගයනා එස් ලක්මාලිගේ නවකතා මරේ මරු කියලා හිතුනා මට..... අද ඉතිං තියෙන්නේ දෙකයි පනහේ නව කතානේ.....
ඕන් මෙන්න මෙහෙමයි.... කොල්ලා කෙල්ල පස්සෙන් යනවා.... කෙල්ල ගනන් උස්සනවා... කන්න තියන කටු ඔක්කොම කනවා..... අන්තිමට කෙල්ලගෙන් කනේ පාරකුත් කනවා.... පට්ට චාටර් වෙනවා.... ඒත් සතියකින් දෙන්නා සෙට් වෙනවා.... ආතල් එකේ මාසයක් ලව් කරනවා.... ඔන්න එක පාරටම දෙන්නාගෙන් එකෙක්ගේ ගෙදරට මාට්ටු..... ඒවගේ එක්කෝ කෙල්ලට බර තියනවා අහස උසට.... කොල්ලා පට්ට හිගන්නෙක්..... එහෙම නැත්තන් එකේ අනික් පැත්ත.... 

ඉතිං ඇඩියාවේ ඉවරක් නෑ.... අනේ රත්තරං මට ඔයා නැතිව බෑ මම මැරෙනවා කියනවා.... හප්පොච්චියෝ වලි දාන්න දුෂ්ඨයෙක් හො මොකෙක් හරි එකෙක් එනවා..... ඒකේ ඉන්න කොල්ලෝ කෙල්ලෝ බොසත් අය.... අනේ අම්මපා උන් උණුවතුරත් නිවලා බොන ඩයල්..... මෙහෙම එවුන් ඉන්නවද මේ සිරි ලංකාවේ..... ප්රේනමති ජායති සොකෝ මැණිකෝ කියනනේ ඕකනේ..... එවනම් මටත් ලියන්න බැරියැ... අනේ මගේ සුදෝ, ඔයා මගේ පණ, ඔයා නැතිව මට ජිවත් වෙන්න බෑ වස්තුවේ කියලා.... 
මගේ ආතල් කල්පනා ලෝකය පෙන බුබුළු වගේ විසිරිලා ගියේ මුණ පුරාවට පට්ට සීතල වතුර පාරක් ගලන් යද්දි.... කරපු බුරුවාව මරන් කන්න කේන්තියෙන් බලන කොට මගේ ඉස්සරහා හිටියේ කණිෂ්කයා.....උගේ ලොඹු කටේ පට්ට අවලම් හිනාවක්..... ෂික් නොදොමකින් මේ හිකනලා මේ පට්ට සිතලේ කරපු අවලම් වැඩේ..... එතකොටයි මට දැනුනේ මම නව කතා එක්ක මොන තරම් දුරක ගිහිල්ලද කියලා.....

“....නිතින් උඹ කාත් එක්කද හීනෙන් හනිමුන් ගියේ.... මෙයා එක්කද.....?”

ඌ ඇහුවේ මගේ කාමරේ තෙළිගු ආටිර්ස් කෙනෙක් වෙන ගෙනේලිගේ මම දාලා තිබුණ ‍ෆොටෝ එකක් පෙන්නලා නොන්ඩියට වගේ....

“....මොකද තොට ගං වතුරද සුනාමිද?.... මාව මරන් කන්න මෙහේ ආවේ.... ෂික්... මගේ ගෙදර මගේ පාඩුවේ ඉන්න නැති හැටියක්.... කියපං දැන් තෝ මොකටද ආවේ....? ඇයි තොපේ ගෙදර ගං වතුරට අහුවෙලා කන්න බොන්න එහෙම නැතිවෙලාද?”

මම හිතුවේ කණිෂ්කයාගේ මුණත් තහඩුව කරත්තෙට අහුවුන කජු ලෙල්ලක් වාගේ වෙයි කියලා.... මොන ඌගේ මුණේ සිරා හිනාවක්..... ඒක පැණි ලොරියක් විතර ඇති. ඒ තරම් සිරා හිනාවක්.... ෂුවර් එකටම මු මොකාක් හරි පැණි හැලිකට සෙට් වෙලා වගේ... නැත්තන් මේ මල වැස්සේ මාව හොයන් අපේ ගෙදර සම්ප්රාරර්ථ වෙන්න කිසිම හේතුවක් නෑ මුට..... 

“...මොකක්ද උඹ පෙරලගත්ත පැණි බාල්දිය”

ඌට ආයෙත් අර කලින් වගේම පැණි හිනාව ආයෙත් ආවා.... ඒ කියන්නේ මේක තනිකරම කෙල්ලෙක්ගේ සීන් එකක්.... ආයේ අහන්න දෙයක් නැ... අනිවා මට සීයට දාහක් ඒක මට ෂුවර්....

“....සිරා කෑල්ලක් දැක්කා බං..... පිස්සු හැදිලා හොද වෙලා ආයෙත් හැදෙනවා බං.... ආහ්..... නිකේෂි අක්කි ඔයා කෝපි ගේනාවද...?”

ඒ වේලාවෙම තමයි අපේ අක්කා ට්රේැ එකකුත් උස්සගෙන අපේ කාමරේට ආවේ.... අලි පත සයිස් චොක්ලට් කේක කෑලි දෙකකුයි කෝපි කොප්ප දෙකකුයි අරන් ඇවිත් මගේ මේසේ උඩින් තියලා මගේ ඇදෙන් ඇවිත් වාඩි උනා..... ඒ කියන්නේ මු අක්කාටත් වාර්තා කරලා ඇවිත් තියෙන්නේ.....

“....ඇයි කණිෂ්ක මල්ලි ඔයා ආපු ගමන් කිවේ.... අක්කි සීතලයි මට කොපි එකක් ඕන හොදේ කියලා...”

“....ඔයා හරිම හොදයි නිකේෂි අක්කි..... මම ටග් ගාලා ඇදුමක් දාගෙන එන්නම්.... මේක පට්ට තෙතයි අප්පා... අඩෝ නිතුවෝ මට උඹේ ඇදෙන් භාගයක් මට ඕන හරිද....?”

ඌ එහෙම කියලා ඌගේ නයි මල්ලෙන් ඇදුමකුත් අරන් මගේ බාත් රූම් එකක් රිංගගත්තා.... මම හිමින් සැරේ අක්කගේ ඔ‍ඩොක්කෙන් ඔලුව තියාගත්තා.... අක්කා ඔලුව අත ගාන ගමන් මගේ මුණ දිහා බැලුවා.... අක්කා මොනා හරි අහන්න හදනවා කියලා මට දැනුනා....

“....ඔයාට පාළුයිද මල්ලියෝ....”

“....ඔව් අක්කා.... වේලාවට මේ ගෝතයා ආවේ....”

මම අක්කාගේ බඩට තුරුල් වෙන ගමන් කිවා..... අක්කයි මායි පුංචි කාලේ උනත් රණ්ඩු වුනේ නෑ.... අපි දෙන්නා හරිම ෆිට්... අනෙක් සහෝදර සහෝදරියෝ අතර තියන බැදීමට වඩා ලොකු බැදීමක් අපි දෙන්නා අතර පොඩි කාලේ ඉදලම තිබ්බා....

“...මල්ලි මම දෙයක් අහන්නද....?”

“....මොකක්ද අක්කේ....? බය හිතෙන දෙයක් නෙවේ නේද....?”

අක්කාගේ කම්මුලක් කිස් කරන ගමන් මම ඇහුවා.... අක්කා මුණත් අමුතු කරන් මගේ ඔරොප්පු තාලෙන් මගේ දිහා බැලුවා.... අක්කා හිනා වෙද්දි නිකං පොඩි එකෙක් වගේ.... අක්කා හරිම ලස්සනයි... ඒ හින්දාම අක්කිට කොල්ලෝ බර ගානක් ට්රකයි.... ඒත් තාම එයාට ඉරණම් කාරයා හම්බ වෙලා තිබුණේ නෑ තාම....

“....මල්ලි ඔයාට තාම ගර්ල් Friend කෙනෙක් නැතිද....?”

අක්කා ඒක ඇහුවේ හුගාක් සීරියස් පාටින්.... මට අක්කා පව් කියලා හිතුනා.... සාමාන්යණයෙන් අක්කයි මායි අතර රහස් නෑ... අපි දෙන්නා යාළු‍වෝ වාගේ තමයි ඉන්නේ.....

“....නෑ අක්කි.... තාම නෑ... ඔය ඉස්සරහ ඉන්න ඩ්රීහම් ගර්ල් මට තාම මිට් උනේ නෑහැනේ.....”

මගේ කාමරේ බිත්තියේ අලවලා තිබුන අලිපත සයිස් ගෙනෙලියාගේ හුරතල් ෆොටෝ එක අක්කට පෙන්නන ගමන් මම කිවා.... අක්කාගේ මුණ ටිකක් වෙනස් වුනා.... මහා බෑරුරූම් පාටක් අක්කගේ සුදු මුණට ඇවිත් තිබුණා.....

“....ඔයා හොයන්නේ මෙයා වගේම කෙනෙක්ද මල්ලි.....”

අක්කා එකත් ඇහුවේ අර අදුරු පාට අමුතු අමුතු ගතිය මුණේ තියාගනමයි.... එයා ටිකක් අවුල් වෙලා කියලා මට දැනුනා.... ඒත් අක්කා මොකද අවුල් වෙන්නේ....

“...ඔව් අක්කි.... එයා මට වැඩිමල් උනත්, බාල උනත්, එයා මට ආදරේ කරත් නැතත්, එයාගේ අකමැත්තෙන් හරි මම එයාව මගේ කරගන්නවා අක්කි.... මම ඒකට දෙපාරක් හිතන්නේ නෑ...”

අක්කගේ ඇගට තුරුල් වෙන ගමන් මම කිවා... අක්කා මේ තරම් අවුල් වුනේ ඇයි කියලාද මම අහන්න හදද්දිම කණිෂ්කයා ආවා...

“...නිකේශි අක්කි.... මටත් ඔයා වගේ අක්කෙක් හිටියානම්.....”

“....ඇයි දනිෂා ඉන්නේ.... ඔයාට.... එයා ආදරේ නැතිද....?”

අක්කා කණිෂ්කගෙන් ඇහුවා.... ඌගේ කොහොමත් හපුටු මුණත් තහඩුව තවත් හතරුස් කරන් අක්කා ගෙනාපු චොක්ලට් කේක් කෑල්ලක් කන ගමන් කතාව පටන් ගත්තා....

“....ෂික්.... ඒකි ඉපදිලා තියෙන්නේ අපේ අම්මයි තාත්තයි රණ්ඩු වෙන වේලාවකද කොහෙද නිකේෂි අක්කි.... හැම වේලේම බැලුවොත් මාත් එකක් මොනාට හරි එල්ලෙන්නමයි බලන්නේ....”

ඌ එහෙම කිවේ නම් සිරාවට කියලා මට හිතුනා.... කණිෂ්කයි දනිෂා අක්කාගෙයි වැඩේම රණ්ඩු වෙන එක... උන් දෙන්නා අපි හිටියත් කමක් නෑ... මරගන්න එකම තමයි කරන්නේ.....

“.....ම්ම්.... ඔයාලා දෙන්නා කතා කර කර ඉන්නකෝ... මට වැඩවගයක් තියනවා.... කණිෂ්ක මල්ලි ඔයා අද යන්නේ නැහැනේ......”

“.....අපෝ නෑ නිකේෂි අක්කි.... අපේ කටු අත්තත් එක්ක පැටලෙනවාට වඩා මෙහේ ඉන්න එක හොදයි අක්කි..... ම‍ට දැන් ගෙදරත් එක්ක එපා වෙලා නිකේෂි අක්කි....”

කණිෂ්ක කියද්දි මට ඌ ගැන පව් කියලා හිතුනා..... කොල්ලෝ සෙට් එකම අපේ අක්කට මාර ආදරෙයි.... උන් වේලාවකට මට ඊරිෂියා කරනවද කියලත් මට හිතුනා.....

“....මොකක්ද උඹ පෙරලගන්න යන බාද්ලිය.... කොහේ ඉන්න එකියක් කර ගහන්නද දැන් තෝ හදන්නේ....”

“.....මචං නිතින්.... මම උඹලගේ ගෙදර ටික දවසක් ඉන්නද....?”

කවමදාකවත් අපේ ගෙදර ඉන්න කිවත් ඉන්නේ නැති කණිෂ්ක එහෙම කියද්දි මට ටිකක් විතර වෙනසක් දැනුනා.... ඇයි මේ.... කවදාවත් නැතිව, ගෙදරවත් මු බාල්දියක් පෙරගත්තද...?

“....මොකෝ මචං උනේ කණියෝ.... කෝ කියපංකෝ....”

ආපු වේලේ තිබුණ සෙල්ලක්කාරකම ඌගේ මුණෙන් නැති වෙලා ඇස් කොන් අගට පුංචි කදුළු කැට දෙකක් ඇවිත් තිබුණා..... මුට මොකක් වේලාද අනේ මේ.....

“....අපේ අක්කා මාව අද මරන්න හැදුවා නිතින්..... තව ඩිංගක් එහේ ‍මෙහේ උනානම් මම ඉවරයි බං....”

“මොකක්.... ගෙදර කවුරුත් හිටියේ නැතිද කොල්ලෝ.....?”

“....මම නිදාන් හිටියේ බං.... මට එක පාරට ඇහැරුනා.... මේන්න අක්කා පිහියත් උස්සන් මට කොටන්න හදනවා.... මම අමාරුවෙන් එකිව අල්ලගෙන කෑ ගහද්දි අප්පච්චි ඇවිත් තමයි අක්කාව අරන් ගියේ.... ඇයි බං මගේ අක්කම මට මෙහෙම කරන්නේ.... බලපං උඹයි නිකේෂි අක්කියි මොන තරම් ආදරෙන්ද ඉන්නේ.....”

ඇස් අස්සට ඇවිත් තිබුණ කණිෂ්කගේ කදුලු ඕහේ ගලන් ගියා.... මට හිතාගන්න බැරි උනා මොකක්ද මේ සහෝදරියන්ගේ වෙනස කියලා.... මගේ අක්කා මේ තරම් හොද වෙන්නත්, කණිෂ්කගේ අක්කා ඌව මරන්න තරම් දරුණු වෙන්නත්.....

“....උඹට කැමැති කාලයක් මෙහේ හිටපන් කණි..... ඒක අවුලක් නෑ... උඹ ගෙදරට කියලද ආවේ....?”

“....නෑ නිතින්.... මට ගෙදරට කියන්න හිතුනේ නෑ.... මේ හැමදේටම වැරදි අපේ අප්පච්චි....”

කණිෂ්ක කිව ඒ කතාව මට තේරුනේ නැහැ..... ගෙදරින් කණිෂ්ක වැඩියෙන්ම ආදරේ කරේ අප්පච්චිට.... ඒත් කවමදාකවත් නැතිව ඌ උගේ අප්පච්චි ගැන මේ තරම් කලකිරිමේන් කතා කරන එක මට හිතාගන්න බැරි වුනා.... 

“...කණි මොකද මචං උනේ..... කෝ උඹ ඔය අඩනවනේ..... මොකද උනේ කියලංකෝ.....”

කණිෂ්ක මේ තරම් වෙලා හිරකරන් උන්නු කදුළු කැට ඔක්කොම උගේ කම්මුල් දෙක දෙපැත්තෙන් ගලාන වැටුනා.... පුංචි දේකටවත් අඩන්න කදුළුලක් උනන්නේ නැති කණිෂ්ක වගේ කෙනෙක්ගේ ඇස් වලින් කදුළු වැටෙන්නේ පොඩි දුකකට නෙවේ කියලා මට දැනුනා.....

“.....අඩපුවාම උඹේ හිතේ දුක අඩුවෙනවා නම් අඩපං කණි..... මම උඹට මොකුත් කියන්නේ නෑ.... කොල්ලෙක් උනාම අඩන්න එපා කියන්න තරම් පහත් එකෙකුත් නෙවේ මචං මම.... උඹට ඇති වෙන තරම් අඩපං.... ඒ වගේම උඹට කියන්න හිතුන වේලාවක මට කතාව කියපං කණි.....”

මම කණිෂ්කගේ ඔලුව අතගාන ගමන් කිවා..... මමඇල් වෙලා තියෙන කෝපි කොප්ප දෙක විසික් කරලා අක්කට කියලා කෝපි හදාගන්න අක්කාගේ රූම් එකට ගියා.....

ඒ එක්කම මට කල්පනා උනේ ඇයි අක්කි මේ තරම් අප්සෙට් එකෙන් ඉන්නේ මම හොයන්නේ ගෙනේලි වගේ කෙල්ලෙක් කිවාම...... කණිෂ්කගේ ගෙදර අවුල මොකද්ද, එතකොට කණිෂ්ක කිව අලුත් කෑල්ල කවුද... මට කල්නා කරන්න දේවල් සෑහෙන්න දේවල් තිබුණා..... මම ඒ අතේ කල්පනා කරලා බැරි තැන විසි අතේත් කල්පනා කලා..... ම්ම්හ්... ක්රිියෙට්යව් අයිඩියාස් අද නිකං බොල්ක් වෙලා වගේ..... මම සෙටියේ තවත් හොදට ඇල වුනා.... 

“....ඇත්තමයි නිතින් මම ඔයාට ආදරෙයි.......”

“.... ඔයා ඇත්තටමද ගෙනේලි කියන්නේ.....”

“....... ඔයා වගේ ස්මාර්ට් හුරතල් දගයෙකුට මම මොනාටද ‍බොරු කියන්නේ......”

“........ හුරේ....... මට ජය වේවා..........”

මම ‍හිතට ආපු සන්තෝෂෙට හූ කියලා මටම හුරේ පාරක් දාගත්තා.... කොමද මට ගෙනේලි කැමැති කිවාම... ෂා... පට්ට ආතල්නේ.... මට මේක අපේ ගැන්සියට කියනකල් නිවන් නෑ දැන්....... ඒත් එකපාරට මාව හොල්ලනවා දැනුනා.... යකෝ මම අද භුම්කම්පාවක්ද... නැතිනම් මම මේ නැවකද ඉන්නේ.... එහෙමනැත්තන් අද සුනාමියක් ද........ මට හිතා ගන්න බැරි උනා..... 

අමාරුවෙන් ඇස් ඇරලා බලද්දි අක්කා මාව හෝ ගාලා හොලවනවා..... මම ඉන්නේ අපේ ගෙදර සාලේ සැටිය උඩ.... අනේ අම්මපා මම එතකොට දැකලා තියෙන්නේ පට්ටපල් හීන රාජයෙක්ද....? ෂික් තව ටිකක් උන්නානම් ගෙනේලිගෙන් මට උම්මා එකක් හීනෙන් හරි ගන්න තිබ්බා......

කෝ මේ අක්කා වැඩේ කෑවනේ..... ඇස් දෙක කියනවා අරින්න එපා කියලා..... මෙහෙම්ම ගෙනේලි උම්මා එකක් දෙනකල් ඉන්නවද නැගිටිනවද? ඒත් කොහොමද ගනේලිගෙන් උම්මා ගන්නේ...... අක්කා මාව හොලවන විදියට මම තවත් නිදන් හිටියොත් මගේ පාට්ස් කොහේ තියේද දන්නේ නෑ.....

“.... මොකද අක්කේ මේ..... ටිකක් නිදා ගන්න දෙන්නකෝ......”

“..... නිදාගන්න නෙවේ.... මොකෝ මහ හයියෙන් ‍බෙරිහන් දෙන්නේ.....”

“.... මම ‍බේරිහන් දුන්නේ නෑ.... අනේ සුදු අක්කේ යන්නකෝ.... මට ටිකක් ඉන්න දීලා.....”

අක්කා අම්බානක ඔරොප්පු මුඩ් එකක් පෙන්නලා ගස්සන් ගියා.... මටත් හිනත් ගියා.... මම එහෙම්ම ඇස් දෙක පියාගත්තා.... ආයෙත් ගෙනේලිගේ දග ඇස් මගේ හිත පුරාම එඹුනා....

******************************************************************************
කදුළු ඇස් - හීන දිගැසි

3 comments:

  1. මට නං මුකුත් හිතා ගන්න බැහැ. බලමුකෝ දිගට ම කියවලා.

    ReplyDelete
  2. මටත් මුකුත් හිතා ගන්න බෑ.. බලමුකු දිගටම කියවලා.. :D

    ReplyDelete